中環慢悠遊 - 一切由西多士出發

喺上環熟食中心嘅「瑞記」已有幾十年歷史，可以由角落嘅蘇洲花碼價目表略知一二。

而數最有名嘅美食，就一定係「西多士」。

早就出現喺唔同嘅美食專欄推介，瑞記先將麵包沾蛋漿再煎，中間嘅花生醬就被大量嘅牛油取代，

表面唔淋糖漿，而係用煉奶。西多士出到黎一層層，鬆軟香口又唔太漏。

除左西多士之外，蛋牛包同支裝凍奶茶亦唔可以錯過。

慢慢食完先開始行程。

位於鴨巴甸街35號，曾經係中史書院 (後改稱皇仁書院) 同警察宿舍，係2014年改建成為依加嘅PMQ 元創坊。

除左有令人眼花撩亂嘅工作室同新穎時尚嘅商店之外，依度嘅公共空間先係最引人入勝嘅地方。

由天台花園到附有叉電嘅梳發櫈，都散發住一種庸懶嘅感覺，喺你行到攰嘅時候可以休息，同朋友吹下水飲下野之後先轉層再黎過。

PMQ 入面仲有唔少嘅工作室，包括紥染同Art Jamming，適合想慢活過假日嘅你。

「公利真料竹蔗水」迄立中環已經超過70年，由一開始獨沽一味淨係賣竹蔗茅根，直至50年代購入榨汁機，蔗汁就漸漸投入市場。

「公利」由第四代傳人接手之後一直求變，喺舊年更加同本地啤酒牌子「麥子」Cross Over推出蔗汁啤，為老鋪加上新的可能性。

招牌蔗汁同蔗汁糕潤肺生津，蔗味濃郁，成為中上環打卡熱點，必食名物。

地址：中環荷李活道60號

營業時間：1100 - 2200

                      休息（星期一）

Facebook: 公利真料竹蔗水

勤記粉麵廠迄立中環幾十年，主打自製中式粉麵，好似蝦子麵、粗麵、雲吞皮都有，而最有名嘅就係上海衛生掛麵 ($12紮) ，各式其式，豐儉由人。

舖頭後半部分就係製麵工場，如果撞啱時間，入去可以見到一排排啱啱搓好嘅麵條掛係度風乾，

麵舖入料嘅用料機器一眼睇曬，體現出舊香港情懷嘅大方豁達。

話事人Uncle George熱情好客，好樂於分享自己嘅故事同獨門嘅「一麵五食」，詳細係點就留待你去嘅時候自己發掘啦。除左有好麵，仲有阿菠同無豔兩隻可愛嘅貓門神傍住你，十分可愛。

地址：上環卑利街15號

營業時間：08：00 - 18：00 （星期日休息）