觀塘食海鮮 - 輕鬆遊鯉魚

0 條評論
  • 行程需約5小時
  • 獨樂樂/情侶/三五知已/親子活動
  • 約$300 (包含晚餐)
  • 油塘站A2出口,步行約十分鐘 / 乘14 或256D 巴士到鯉魚門村
  • 1239 位旅客瀏覽過此行程
  • 0 位旅客購買過此行程

舊日嘅鯉魚門只係九龍區入面一條小漁村,但依加已發展為一個海鮮美食村。

區內有幾個地標及風景好適合親子遊,結伴同遊或打卡拍照。出街今次為大家推介嘅路線係由鯉魚門三家村最深處玩番出鯉魚門牌坊入口。

①已廢棄石礦場 

②鯉魚門燈塔

③買手信 - 懷舊小食

④海鮮街食晚飯

行程說明

01
已廢棄石礦場 (建議時間:1600-1715)

石礦場位於三家村最深處,由鯉魚門入口到石礦場大約20分鐘,先穿過天后廟,經過馬環村,沿路向海邊行,再跟著指示牌走,直至見到有一道好窄既牆,就表示你行岩路。

石礦場下有好多雜草,可以野餐,玩小遊戲 (如: 麻鷹捉雞仔),亦係影婚紗相熱點。當背向係石礦場, 望向對面岸就係柴灣, 筲箕灣, 西灣河。

如果想留係到耐少少的話, 可以大字型訓係大石上面望天空。 草地上更有一間石屋, 亦係拍攝熱點。

除左影相之外,都可以係岸邊釣魚。

02
燈塔 (建議時間:1715-1815)

係石礦場行番出三家村, 係村路與燈塔之間,有一個小沙灘,潮退時可以行過去燈塔欣賞景色。沙灘上有好多玻璃、貝殼,出街者必須留意小心,切勿著拖鞋或唔著鞋。

黃昏時候,可以係小沙灘欣賞日落。

03
買手信 (建議時間:1815-1840)

鯉魚門有幾間專賣港式糕餅嘅舖頭,年香園和紹香園係必經嘅老舖,可以係走之前買手信。例如蛋卷、豬肉乾、 花生糖、芝麻糖、雞仔餅、合桃等,各式各樣嘅食物老闆們都歡迎大家試食。

地址

年香園:鯉魚門海傍道中43號D

紹香園:鯉魚門鯉魚門海傍道中46A地下

04
食海鮮地方 (建議時間:1900-2030)

如果想食埋晚餐,可以考慮下鯉魚門村入面嘅餐廳酒家。

海鮮街有齊各樣最新鮮嘅海鮮,魚、蝦、蟹、鮑魚、龍蝦等, 可以自已係魚檔買完之後,直接交比餐廳加工煮食,而價錢就要同餐廳商量,海鮮緊會係海鮮價, 有平有貴~

地圖

旅客評論

共 0 條評論

觀塘區仲有咩好玩?

觀塘食海鮮 - 輕鬆遊鯉魚

(0)

1238 位瀏覽過