大埔踩單車 -大尾督提壩上嘅破風手

大尾督係單車愛好者眾集勝地，連接住沙田單車徑，一般踩單車路線會由沙田城門河出發，至大尾督水壩總結

如果你只想享受踩單車樂趣，又唔想花太多時間，呢條路線係一個唔錯嘅選擇。

係大尾督總站巴士站附近有幾間單車舖可以出租單車，每架價錢大約$40-80/日。有大人單車、小朋友單車、家庭式單車、情侶單車，唔同單車類型收費都唔一樣。

如果你好耐無踩過或者唔熟純踩單車的話，可以問店舖租售輔助輪，所有單車裝備一應俱全

揀好單車後，係現場即時用現金付款及登記，登記時需要出示身份證明文件和聯絡電話，一般交還單車時間係晚上七點前

如果你有大量隨身物品，可以向店舖租借單車籃，價錢約$10-$15/個。

大尾督踩單車路線有幾條，一般人會選擇踩上船灣淡水湖提壩，難度不高，老少咸宜。

租單車後，過對面馬路到達巴士總站，沿住旁邊單車徑會經過燒烤場到達大尾督水上活動中心

水上活動中心旁邊會有一條大斜路係上提壩，好多人去到呢條斜路都比較吃力，會踩到一半路就踩唔上去了

呢個時候可以選擇落車推上去，但要記得注意路面情況，因為有人上斜都會有人落斜。

上到水壩可以沿住提壩踩，覺得攰就停下來坐係提壩同朋友傾下計，影下相，發下呆，欣賞下湖光十色

假日果陣，水壩會有好多單車，踩單車時記得唔好太貼前面，避免車撞車，而停低既時候記得要將單車泊好係旁邊。

大尾督除左係單車愛好者好去處之外，亦都係風箏愛好者勝地。佢地會放巨型風箏，吸引大小朋友嘅目光。如果你想放風箏，可以係燒烤場旁嘅小店購買，大尾督絕對係適合一家大細放電嘅好地方。

放電過後，下一站就係補充體力的時候。

Kaffee House 位於盧慈田村入面既一間cafe，交還單車後向市區方向步行大概15分鐘左右，到達盧慈田村。呢間隱世cafe外型看落是一間村屋，但入面係咖啡室嘅設計，有幾張枱，簡約寫意，係文青打卡好地方。

餐牌上選擇好多，有Cappuccino, flat white, Affogato，仲有手沖咖啡﹐客人可以選擇歐洲或者巴西咖啡豆

人均消費：$60-80/杯

地址：大埔盧慈田村24號

營業時間：1300-1830 （星期一、四）

                      1200-1830（週末及公眾假期）

                      休息（星期二，三）

Facebook: Kaffee House

補充體力後，可以坐番車出市區食晚飯～