離島區 - 週末慢活藝術坪洲
- 行程約6小時
- 獨樂樂/情侶/三五知已/親子活動
- 約$320（包括瓷器工作坊）
- 3371 位旅客瀏覽過此行程
- 0 位旅客購買過此行程
坪洲曾經喺香港嘅工業中心，有唔少類型嘅工廠都曾經喺坪洲紮根，例如火柴廠、牛皮廠同傳統工藝瓷器製作。但隨住時代變遷，上述嘅地標都轉化為依家坪洲嘅打卡景點。
唔似其他熱門離島，坪洲島上並無太多遊客，適合喜歡放假漫步細賞歷史文化藝嘅你。
坪洲主要分為永興街和永安街，
落船先去行充滿文藝風情嘅永興街 ①陸日小店 朝聖，
然後去被藝術裝置包圍嘅 ②牛皮廠秘密花園打卡影相。
當然唔好錯過坪洲永安街老字號 ③ 祺森冰室 食個下午茶。
仲有必試 由泰國人手製 ④A Noy麵包舖 嘅 特式南乳芝麻餅，
帶埋塊餅去旁邊 ⑤超記瓷器 參加彩繪工作坊咁就啱啱好啦。
行番出碼頭搭船離開嘅時候，請睇清楚船嘅班次，因為高速船只係比普通船快十分鐘到達，但價錢就貴一倍，而每班船嘅班次差不多隔一個小時。（請好好衡量吓搭邊班船前往及離開）
順便一提～如果你係咖啡發燒友，嚟到坪洲可以搵下一架售賣手沖咖啡嘅單車，可以賣樽ColdBrew、咖啡豆作手信。咖啡師啊逸3年前搬入坪洲，創辦了「騎住鳳凰沖咖啡」，從此向公眾提倡慢活嘅生活態度。啊逸會踩住架單車，不時係坪洲海旁，店舖面前或沙灘擺檔為你沖杯靚啡，想知佢係邊？！可以留意佢嘅Instagram。(P.S. 啊逸有時都會踩住鳳凰係港島區出沒。)
行程說明
落船第一站先去大熱文青陸日小店度朝聖，小店店如其名係只會喺星期六日營業，主要出售懷舊古物和簡約生活用品，
大門塗上搶眼嘅黃色，配搭門外嘅椅子同植物，形成一個唔錯嘅影相構圖。另外，亦有漂書可以免費閱讀或交換。
沿住永興街行，陸日小店行前少少有個民居，售賣斯里蘭卡奶茶和印度烤雞等小食，如果對異國菜式有興趣都可以買來試下。
地址：坪洲永興街27號
營業時間：1230-1830 （只會在星期六日開）
Facebook：陸日小店
Instagram：Sunsatstore
下一個站就係坪洲秘密花園，佢前身係一間牛皮廠，屬於三級歷史建築之一。喺
2010年有位有心人花過百萬活化呢個丟空咗嘅廢地，將呢到改造成藝術花園，免費開放比遊客參觀。
秘密花園門口有個引人注目嘅招牌寫住「牛皮廠」，穿過一條富有風格嘅走廊後，就會進入左五彩繽紛嘅花園。
花園入面會見到有各種獨特佈置和塗鴉，設計師亦超好心機咁將單車車轆，籃球架或雨傘等舊物煥然一新成為花園擺設。
向前行多幾步轉角位會見到間手作店 --- 「好望角」，入面有位會充滿熱情歡迎你嘅店主 Helen。
Helen致力推祟環保概念，鋪頭入面每一件貨品都係由佢將就嚟拎入堆填區嘅垃圾親手改做，變身成為裝飾或擺設，賦予廢物有第二次生命。
好望角Instagram：helen.craft.house
牛皮廠開放時間：1000-2000 （逄星期一休息）
行到攰攰地，可以去有40幾年歷史嘅祺森冰室嘆番個下午餐。
祺森最出名嘅就係坪洲名物蝦多士，天口熱配埋杯雜果賓治，一個字 爽。
貴為坪洲熱門餐廳，喺假日可能會需要排隊。
所以俾多個選擇你，可以去門外有植物擺設嘅新寶馬茶餐廳食 鰻魚炒飯。
食飽後，可以行下永安街，睇下島民嘅生活。
祺森冰室地址:坪洲永安街3號地下B舖
營業時間:0800-1600 （逄星期六、日下午1630關門）
新寶馬茶餐廳地址：坪洲永安街29號G/F
營業時間：1100-2000（逄星期一至五下午2030關門）
Facebook:新寶馬茶餐廳
A Noy 麵包舖前身係一間平平無其嘅麵包店，但前老闆有病在身，被迫退休，
後來遇到居住係坪洲嘅泰國人（A Noy），A Noy決定拜師學藝。
光叔（前東主）也決定將麵包舖招牌芝麻餅傳受比一個無親無故嘅泰國人，
所以A Noy 麵包舖除左賣港式麵包之外，更可以買到南乳芝麻餅、合桃酥等懷舊小食。
地址：坪洲永興街11號號地下
營業時間：0600-1800 （逄星期一休息）
坪洲曾經係瓷器製作工業重心，但隨著時代變遷，需求已經大不如前。
但超記店主林太仍然堅持喺坪洲售賣瓷器，亦會開班教授彩繪，
讓前來嘅人可以喺瓷器上畫上自己喜歡嘅圖案，將呢個藝術傳下去。
工作坊預約電話：9193 8044
開始前，參加者可以由茶杯或碟揀一款嚟畫，導師會先教你點用毛筆沾上礦物顏料，之後就可以自由發揮。
畫錯咗都唔洗擔心，只要作品一日未燒，圖案都可以抹走。完成彩繪後，店主會拎去燒，要等大約一星期取回製成品，可以選擇係坪洲拎或者寄掛號 （一隻碟$60）。
地址：坪洲永興街七號地下
營業時間：1200-1800
Facebook：坪洲超記瓷器& Winus Lee mini ceramic workshop
旅客評論