賽馬會鯉魚門創意館以成為東九龍藝術文化平台為目標，目前有舉辦教育、文化、保育、藝術等可持續發展活動，引導訪客介紹鯉魚門歷史。順帶一提，創意館嘅頂樓有間食西餐同精緻糕餅嘅Petit Four，行到攰攰地都可以去hea下。

皇都戲院商場即將係黎緊5月結業，係北角英皇道嘅60年間，經歷過電影市道嘅興衰，直到1995年商場大火到強制拍賣導致大部分商戶都已經搬走左。而現今喺水靜鵝飛嘅商場深處仲有兩間舖頭打算留守到最後一刻，一間係播緊「買一送一」嘅美高梅皮鞋，而另一間就係推廣「真體字」已經有三十年嘅京華招牌。

依加買蛋糕嘅途徑愈來愈多，除左可以喺實體舖頭揀之外，仲有網店選擇。面對林林總總，五花八門嘅產品唔知點入手？不如跟TripGuide推介 - 「自己蛋糕自己整」。「Home焙小日子 – 荃灣店」以全自助簡易烘焙招徠，提供打蛋器、倒模膠、焗爐等烘焙工具，亦會有糖、牛油、奶油等材料，參加者只需要跟住平版電腦上詳細嘅指示，就可以將蛋糕整出嚟，適合想親手整禮物或者親子體驗烘焙樂趣。

西貢出名行山路線多，而數當中比較易行又可以望到萬宜水庫景觀，可以考慮下大浪西灣。大浪西灣與鹹田灣、大灣、東灣合稱「大浪四灣」，除左行山景觀恰人，附近仲會有沙灘及營地設施可以用，活動比較多元化。

鶴咀位於香港石澳以南，為全港唯一的海岸保護區。英文名Cape D’Aguilar 取名自香港第一任副總督德忌立爵士(Sir George Charles D'Aguilar)。貴為保護區，外國碧海藍天嘅海岸風景可以係依個港島東南端嘅半島都可以搵得到。由筲箕灣出發，30分鐘車程就可以到。路段分為兩部分，前段沿石澳道途經鶴咀村屬於輕鬆易行石屎路，後段會入到香港大學太古海洋研究所附近爬高爬低睇自然地貌，行程來回約3小時。

位於大埔運頭角嘅綠匯學苑原址為舊大埔警署，嘉道理農場經過「活化歷史建築伙伴計劃」完成翻新工程後，喺2015年8月開放俾公眾參觀，提供住宿、展覽、工作坊及素食餐廳等服務，成為大埔特式地標。綠匯學苑進行古跡保育同時融入永續生活模式，令訪客喺認識歷史建築嘅同時，更可以親身體驗低碳生活，從而了解到日常生活中點樣可以與大自然建立可持續平衡。 綠匯學苑建築主要分為三個部分 － 主樓 、 慧食堂 、 宿舍，Walk-in 嘅話主要活動會圍繞喺 主樓及慧食堂。