大澳係一個好有人情味嘅地方，2018年「山竹」襲港，位於低窪地區的大澳，每間屋都水浸過大脾，好彩有熱心人士幫忙，在風雨中照顧長者，並在一星期後恢復元氣。2020年頭，1.3憶頭獎六合彩，有被訪問人士稱自己係大澳人，話如果中左頭獎，會捐比大澳老街坊。

由日街、月街、星街同埋永豐街組成, 係金鐘太古廣場附近, 屬於香港電燈公司嘅第一間發電廠所在地日月星街嘅由來, 係取指三字經, 意思係希望可以比電力為香港帶來光明

前粉嶺裁判法院建於1960年，在2002年停用後，於 2010 年被列為香港三級歷史建築。 經活化後，在2019年3月由新界第一所裁判法院，改建為香港青年協會領袖學院。 市民仍可見到當時法庭、拘留室、繳費處等原貌，以及如「無間道 II」等電影的拍攝場景。

元朗大橋街市燈籠巷由入口短短十米，身邊兩旁出現過百個燈籠，形狀不一，有傳統嘅兔、魚、楊桃，甚至有龍同飛機，每款又會以大小、配色細分任君選擇。當中嘅半人大嘅紙兔更加引起來客排隊合照，每個燈籠都係香港本地全人手製作，十分精緻，好似係紙紮玉兔下面用左可動式嘅車輪，而唔係純粹痴上去做個樣。

皇都戲院商場即將係黎緊5月結業，係北角英皇道嘅60年間，經歷過電影市道嘅興衰，直到1995年商場大火到強制拍賣導致大部分商戶都已經搬走左。而現今喺水靜鵝飛嘅商場深處仲有兩間舖頭打算留守到最後一刻，一間係播緊「買一送一」嘅美高梅皮鞋，而另一間就係推廣「真體字」已經有三十年嘅京華招牌。

鶴咀位於香港石澳以南，為全港唯一的海岸保護區。英文名Cape D’Aguilar 取名自香港第一任副總督德忌立爵士(Sir George Charles D'Aguilar)。貴為保護區，外國碧海藍天嘅海岸風景可以係依個港島東南端嘅半島都可以搵得到。由筲箕灣出發，30分鐘車程就可以到。路段分為兩部分，前段沿石澳道途經鶴咀村屬於輕鬆易行石屎路，後段會入到香港大學太古海洋研究所附近爬高爬低睇自然地貌，行程來回約3小時。