隱沒係土瓜灣舊區，位於馬頭角道六十三號嘅紅磚建築物，原來係香港依加僅存嘅戰前屠宰場 - 前馬頭角牲畜檢疫站。由1908年一直為香港提供牲畜檢疫服務直到1999年上水屠房啟用後，檢疫站才壽終正寢，但去到2001年，有批本地藝術家將檢疫站翻新並改名為牛棚藝術村，並開放予香港藝術創作者租用。2009年更獲古物諮詢委員會評定為二級建築。依加就為大家介紹參觀牛棚依個結合香港歷史及藝術文化交流於一身嘅地方。