大埔滘林徑位於大埔公路，林徑設紅路（3公里 / 45分鐘）、藍路（4公里/ 1.2小時）、啡路（7公里/2.5小時）同黃路（10公里/3.5小時）四條路徑。出街者可以按考慮能力及時間去選擇最合適路線，每款路段都係入山行個圈回到起點，唔夠喉嘅你都可以繼續前往荃灣或者落大埔火車站離開。 由於山泥傾瀉影響，最簡單嘅紅路需要2021年年中先會重開，咁就先分享第二簡單嘅藍路 ─ 路徑大致平坦，亦甚少起伏，適合想簡便入深山放鬆心情嘅朋友，風景主要為樹影同雀鳥，既符合一家大細出往亦吸引到唔少鳥類愛好者嘅行山路線。

位於大埔運頭角嘅綠匯學苑原址為舊大埔警署，嘉道理農場經過「活化歷史建築伙伴計劃」完成翻新工程後，喺2015年8月開放俾公眾參觀，提供住宿、展覽、工作坊及素食餐廳等服務，成為大埔特式地標。綠匯學苑進行古跡保育同時融入永續生活模式，令訪客喺認識歷史建築嘅同時，更可以親身體驗低碳生活，從而了解到日常生活中點樣可以與大自然建立可持續平衡。 綠匯學苑建築主要分為三個部分 － 主樓 、 慧食堂 、 宿舍，Walk-in 嘅話主要活動會圍繞喺 主樓及慧食堂。

大家對嘉道理農場暨植物園嘅認識可能都主要係圍繞佢嘅下山區，比如大肥豬或者鱷魚。 但其實嘉道理農場嘅上山區同樣好值得一去。