大角咀有咩玩？ - SuperParK 芬蘭室內活動公園

無論大人或小朋友, 係園內一定要著襪！而且必須係著SUPERPARK的防滑襪，防滑襪可以係拎手帶嗰陣購買（$15/對）

 

餐廳：參加者拎手帶後可係購買時段內自由進出, 樂園內有一間西餐廳, 可以唔洗出去搵野食, 食飽再入場玩過。

 

儲物櫃：園入面有免費儲物櫃，參加者可自行定密瑪，離場前記得拎番

 

洗手間：樂園設有男女洗手間，小朋友玩幾耐都唔洗怕四圍搵廁所

 

多用途活動室：可以舉行生日派對或團體聚會

 

SuperPark分為冒險地帶、自由式殿堂同遊戲競投場3個園區，詳細分別可以睇下面個表。

因為活動種類多，你可以喺玩嘅過程中提升自己唔同方面嘅能力，好似係膽量、技術同埋身體協調。

樂園設備一應俱全，喺安全方面會提供球棍、護膝、頭盔等設備，參與跳彈床前更加需要睇完一條影片，然後答中所有問題先至可以玩！員工無時無刻都會喺你身邊傍住你，咁就玩得安心啦。

部分遊戲設有雷達和電子系統記錄，提高遊戲中嘅真實感，例如射龍門引進了RobotKeeper，電腦會透過踢球者嘅動作去判斷足球方向，基本上喺100%撲得中，自問喺射手嘅你可以挑戰下！

 

推介活動：射龍門、彈床、tubing 

 

門票種類有好多唔同選擇，實有一款岩你同朋友約埋一齊去玩，保證抵玩，放哂電先準走

 

測試員出發前一天喺Superpark官網購買門票，發現有唔同種類嘅門票，開頭有點兒困惑😅，最後選擇好出發日期同埋時段後，成功下單！

 

出發當日測試員買左星期日晏就時段（14：00 - 17：30）。係奧運站行過去大約十分鐘，入口係一號銀海裡面。

 

園區內全都是小朋友嘅笑聲和尖叫聲，有唔少家長會係閘外等候小朋友，任由自己仔女係園自由奔放。員工多是外國人，操流利英語，好friendly

 

注意事項：

 

1.成年人玩足成個時段完全喺體力透支，話哂都喺小朋友放電的地方，去之前一定要休息充足

2.測試員第一次玩棒球擊球，幾乎一球都打唔中，所以打唔中唔好灰心

 

3.每個遊戲大致玩2-3分鐘，如果有人玩緊時，請有秩序地在旁邊排隊

 

4.玩完一個遊戲後，請迅速離開，不要停留太耐

 

5.儲物櫃和進入園區都要用到手帶，所以要好好保管

 

6.遊戲都要爬高爬低，女仕們唔好著裙子，以免跌倒或走光

 

官網網址：https://superpark.com.hk/