港島區新手行山路線-西高山
- 行山需時約2.5小時
- 獨樂樂/親子活動/情侶/閨蜜
- 香港大學站A2出口
關於
要搵港島區新手行山路線推介，西高山絕對係最好嘅選擇。
最簡單，最方邊嘅路線係由山頂行15-20 分鐘過去，但TripGuide推介嘅會由香港大學站出發，經龍虎山郊野公園，頭2小時主要係上斜路，直至到西高山山腳就樓梯為主，最後喺山頂廣場結束，總共所需2.5小時。
香港大學站起步
到達香港大學站A2出口，沿港大平台直行，再沿左手邊行，經過賽馬會教學樓，見到露天廣場，紅磚牆旁邊有一條斜路，就會見到指示牌上龍虎山行山徑。一路沿斜路上，再過對面馬路跟住指示牌，就開始進入龍虎山行山徑。
龍虎山郊野公園
呢條行山徑路面平坦，寬，兩旁有樹蔭，唔怕曬親，更有唔少人會帶狗散步。沿途有洗手間和長凳。而且有指示牌會講距離山頂約有幾多米，鼓勵行山人士。但可以影維港景色位置不多，可以留番上西高山或山頂廣場時再影。
西高山
大約1.5小時後，到達西高山下的郊遊區涼亭，沿住西高山指示牌，見到一個印有樓梯圖案嘅小木牌，表示準備攻頂！有人話呢條攻頂樓梯有600級，15分鐘後就可以到達目的地！
TripGuide 去後感
- 路線輕鬆，空氣清新，適合季節同任何年齡人士參加
- 想去行山但唔想太攰太長時間，選擇西高山就無錯啦，雖然登頂會需要行600級樓梯，但中間都有啲休息位，所以輕鬆唔難，如果一心想挑戰難度嘅朋友可能就要失望啦。
- 唔好比600級嚇親，其實15分鐘左右就行完，出街當日更有新娘著住婚紗行都無問題
- 今次點遊路線係：香港大學站>經龍虎山郊野公園>西高山>山頂廣場，有見其他行山士以相反路線，測試員就覺得上山感覺有成功感
map
仲有邊度好去？
中西區
各區體驗
26.02.2021
中西區自然歷史課室 - 龍虎山環境教育中心
