中西區自然歷史課室 - 龍虎山環境教育中心

龍虎山環境教育中心主要分為展覽廳及中心花園，展覽廳原為水務署職員宿舍，2010年獲列為一級歷史建築。廳內有兩個展覽主題 ─ 龍虎山周邊生態以及香港地質年代史。館內有唔少展品可以讓訪客有互動，摸吓種子、「一按即聽」升Key鳥噪鵑嘅叫聲。

除左展館前身歷史故事之外，入面都有講及香港地質年代史，將過去四億年嘅地質環境帶俾大家睇，可以摸摸及用放大鏡觀察花崗岩等岩石。行完室內就可以出去花園放鬆吓心情，出面有蝴蝶園、香草螺旋塔以及觸感區等分類，雖然場地唔係好大，但內含唔同嘅植物，好似大樹菠蘿同芳香萬壽菊等常聽到但少見嘅植物。另外更有怕羞草、羅勒等香草可以掂吓，等自己滿手香草香。