荃灣區 - 小日子自助烘焙店
- 逗留時間約3小時
- 獨樂樂/親子活動/情侶/閨蜜
- 約＄220 - $520
- 荃新天地二期地下27號鋪 (開放時間：1000-2200，最後1930入場）
關於
依加買蛋糕嘅途徑愈來愈多，除左可以喺實體舖頭揀之外，仲有網店選擇。面對林林總總，五花八門嘅產品唔知點入手？不如跟TripGuide推介 - 「自己蛋糕自己整」。
「Home焙小日子 – 荃灣店」以全自助簡易烘焙招徠，提供打蛋器、倒模膠、焗爐等烘焙工具，亦會有糖、牛油、奶油等材料，參加者只需要跟住平版電腦上詳細嘅指示，就可以將蛋糕整出嚟，適合想親手整禮物或者親子體驗烘焙樂趣。
小日子全港有3間分店（荃灣、將軍澳和荔枝角），可預約時段為平日早上10點至晚上7點半，當揀啱時間地點後，喺網站即時預約。預約成功後，你會係活動前幾日會收到SMS提醒，咁就唔怕唔記得啦，當日準時去分店報到就可以。
出發前可以先到小日子網站睇下可以製作嘅蛋糕款式，好似有水果蛋糕、Tiramisu、馬卡龍等超過40款任你選擇。每款都有相應嘅難易度，分為認真玩同簡單玩，每個價錢約$220 - $520。特別日子仲有限定款式。即使無預約到但當日有空位嘅話，都可以walk in。
Home焙小日子網頁：http://www.homebakingday.com/
測試員當天預約了早上11:00，大約流程如下
（一）櫃台登記，話比職員知想整邊個甜點
（二）付款，而一份甜點只可以兩個人製作，第二位需要付陪玩費 ($60平日，$80假日)，而當天壽星石享有九折優惠，
（三）職員會遞上IPad 、計時器，圍裙，安排工作枱
（四）跟住IPad上嘅短片和指示，每一步跟住做，
如果錯過左，當然可以playback啦
（五）跟據食譜上嘅份量到不同區域取食材、工具
（六）烘焙區有職員協助放入及取出焗爐、脫模或放涼等
（七）完成後交還用品到餐具回收區，會有專人幫你清洗，
實在太好喇唔洗洗碗
（八）整個過程約兩個半小時
TripguideHK去後感
小編揀左整雲石蛋糕，係第一次落手整蛋糕，所以整完製成品出嚟有少少成功感。
小日子烘焙有齊所有整蛋糕工具和材料，真係十分方便，環境大和乾淨！Ipad 上嘅指示講解都清晰，如果唔明可以搵職員協助。如果想加生日牌， 蠟燭等裝飾，可以係現場買或自己拎去都得。
大約一點半左右，陸陸續續開始多人，建議早上去或先預約，而小編同同行朋友最鍾意就係成個過程都唔洗洗碗！！自助整蛋糕係一個唔錯體驗，假日又多一個出街好去處！
地圖
仲有邊度好去？
