一島之南隱世秘境 - 鶴咀海岸公園
- 逗留時間約2-4小時
- 獨遊/情侶/三五知己
- 免費
- 筲箕灣巴士總站上9號巴士(往石澳)到鶴咀道
關於
鶴咀位於香港石澳以南，為全港唯一的海岸保護區。英文名Cape D’Aguilar 取名自香港第一任副總督德忌立爵士(Sir George Charles D'Aguilar)。貴為保護區，外國碧海藍天嘅海岸風景可以係依個港島東南端嘅半島都可以搵得到。
由筲箕灣出發，30分鐘車程就可以到。路段分為兩部分，前段沿石澳道途經鶴咀村屬於輕鬆易行石屎路，後段會入到香港大學太古海洋研究所附近爬高爬低睇自然地貌，行程來回約3小時。
由筲箕灣巴士總站上9號巴士(往石澳)到鶴咀道，車程大約30分鐘，而係假日上車前一定要留意架巴士有無寫住「不經鶴咀」，一旦上錯就會直奔石澳。落車後沿住鶴咀道一路行入去，身邊就係海景，大約行30分鐘先會到保護區範圍。
途經鶴咀村可以先作休息，食碗糖水，飲枝涼茶，由於公園範圍內無設任何衛生設備及垃圾桶，所以係鶴咀村可以先去個廁所。鶴咀村有棟更樓屬二級歷史建築，由花崗岩石建成，保初為防衛海盗而興建。
入海岸保護區之前會經過垃圾灣，灣如其名，滿灣垃圾，同保護區景色截然不同，令人反思！
踏入鶴咀保護區後，唔洗急住衝向海邊。
介紹返，鶴咀海蝕地貌第一站 ─ 海蝕洞「雷音洞」。當有海浪湧入洞穴嘅時候，就會產生好似雷鳴咁嘅撞擊聲音，雖然好壯觀，但因為遊客缺乏保護措施，爬入去嘅時候都有一定危險性，所以要評估吓先好入去。
再行前少少就會見到 ─ 海蝕拱「蟹洞」。「蟹洞」比「雷音洞」更闊更大，相比起一個洞口，蟹洞更加似一道拱門，由高處望嘅形狀就會似一個背對海邊嘅蟹。海浪不斷撞擊岩石，只適合遠觀，不宜行太近，現場亦會有海岸公園職員提醒，請依從指示。 香港大學太古海洋研究所雖然唔開放，但係條地標鯨魚骨都會係度等大家。
TripGuide 備忘錄
假日遊人會較多，請斟酌交通安排，亦不議太晚入鶴咀，會比較危險，野豬會在黃昏至入黑後出現。漆黑環境也不利於欣賞景色。筲箕灣總站上9號巴士(往石澳)到鶴咀時要留意，往鶴咀為假日特別班次，大部分班次均不經鶴咀，要留意班次時間及巴士車身指示 。
沿鶴咀道至發電廠都是平整易走的直路，但海岸保護公園內景點或需要攀爬，請注意安全諒力而為。 由其入雷音洞內岩石高低不平，建議穿山着長褲。有部分路段會有狗群，唔好招惹牠們，直走就OK。 另外，夏天會有蛇出沒，唔好太靠近草叢或石隙。
請愛惜海岸保護公園，公園範圍內不設任何衛生設備及垃圾桶，所以喺鶴咀村見到有廁所就好去啦，請緊遵「自己垃圾，自己帶走」及不破壞公園環境嘅原則，水上及 沿 岸 康 樂 活 動 ， 例 如 游 泳 、 船 艇 活 動 、 釣 魚 或 採 集 野 生 動 植 物 或 其 部 分 等 ， 都 不 得 在 海 岸 保 護 區 內 進 行 ，保留鶴咀美麗一面。
