大角咀博文街 - 飲食篇

1.Once you go craft

認住個閃電logo，一間細細地嘅鋪位，每逄收工時候，你會見好多人企係門口同店外面飲啤酒。呢間酒吧主打本地手工啤酒，有8至10款，價錢親民，每款都係$60－$80左右，Happy Hour去仲抵！當時去職員好nice，測試員用shot杯試左好幾款味道再落單，而且可以叫burger同薯條送酒。

2.LOFT7

開左大約三個月左右嘅酒吧，位置岩岩好對住HSBC大樓門口。門口左邊就係一排酒架你可以直接揀酒。佢最特別嘅係有日式炸物、串燒同燒烤海鮮，例如燒魚、鹽蒜鮑魚，有時候仲有東北羊肉串、黑毛豬咁。開放式廚房設計，可以見到廚師係你面前煮野，有種居酒屋嘅感覺，氣氛不錯。可能抽油煙機唔夠勁，有時候會油煙幾大下。酒都會相對比較貴，不過都係二三百價位，happy hour仲有買一送一，包括House wine或Tap Beer，啤酒都幾有特色，應該時不時會轉款。測試員上次去就係Classis Pale Ale同Rye On Wood兩款。

3.Oakey Dokey 

一間有非常多酒款嘅WINE HOUSE，一入門口就見到好大個酒櫃任你揀。如果中意飲葡萄酒，不論甜、白、紅、氣泡酒，呢到都可以滿足你。而且有來自唔同國家嘅酒，百幾蚊就有一支，性價比高。唔太清楚自己想要咩款，仲可以直接問職員介紹，只要形容一下你想飲嘅口味就得。

收工時候人流稍多，雖然地方細細，但唔會有人多好逼好侷促嘅感覺，氣氛非常好。而且仲有小食提供，炸野或者是芝士火腿拼盤都有，你想品酒同大飲都得。當時三個測試員叫左一支紅酒同一支白酒，再加個火腿拼盤，埋單都唔洗六百蚊，同朋友慢慢enjoy左一個夜晚。

4.Das Bier 

門面外觀普通，望落坐位唔多嘅德國餐廳。話明德國菜，緊係唔少得咸豬手同德國啤酒。咸豬手有得揀白豬手、咸豬手（傳統口味）或者咸蛋黃豬手，測試員覺得咸蛋黃豬手聽個名都好吸引值得一試。德國啤酒有五款左右，仲有其他普通啤酒或者黑啤揀，飲得嘅朋友就唔好錯過佢嘅2L啤酒桶餐優惠。另外仲有德國香腸拼盤，德國口味雖然有啲咸，但好彩有薯角搭救加返分。如果係大食嘅朋友，不妨可以叫個二人Set，有齊香腸拼盤、豬手、沙律以及Nachos，配兩杯啤酒添。

5.Starry Night

出名英式威靈頓牛柳嘅西餐廳，但因為牛柳太厚和外層酥皮烤得不太鬆化，所以測試員嘅評價就無咁高。晚餐叫Set嘅話，會跟餐湯、麵包、前菜沙律（或者加錢轉鵝肝）同餐飲。鵝肝個人覺得值得一試，未到入口即融但幾十蚊性價比都幾高。酒精方面，主打外國既特色啤酒，啤酒杯都會好特別同好大好重。House wine任飲兩個鐘，都係二百幾蚊。