姻緣石位於灣仔區寶雲道健身徑上，石嘅外型似一座巨炮。行上去途中會有廟宇參拜，前來者先購買香燭寶碟，並於寶碟寫下自己的名字，向廟宇的石公石婆祈求上香。傳聞拜過姻緣石嘅單身人士可以脫單，有傳名人徐子淇拜過姻緣石後就遇上富豪李家誠，成為千憶新抱，有個人人都想要的美滿家庭。相傳每月農曆初六、十六、二十六以及七夕時參拜最靈，大家記得誠心拜拜，早日求得良緣！

龍蝦灣郊遊徑位於清水灣東面，由清水灣郊野公園出發，起行30分鐘左右就到達最高點大嶺峒觀景台。整趟旅程需時3小時左右，終點為落車地點 - 大坳門。 路線景色絕佳，有藍天碧海連成一線，遠眺一望無際嘅大海和島嶼。路線中沒有爆林破山，適合行山新手慢慢行，享受山野樂趣。

商場同天橋林立嘅荃灣原來有條二百幾年歷史嘅客家圍村 - 三棟屋，自1981年被列為法定古蹟後，於1987年復修成嘅「三棟屋博物館」，館內將二百年前居民生活環境及習俗再次還原，參觀者可以加深對古圍村嘅了解。另外，三棟屋博物館亦係香港非物質文化遺產中心，講解紙紮麒麟及機動花牌等香港傳統工藝歷史。

龍虎山環境教育中心由環境保護署及香港大學於2008年4月一同成立，位於香港大學後山旁，旭龢道50號。 毗鄰龍虎山郊野公園，時常舉辦生態導賞團、綠色工作坊與生態速查等活動，讓公眾認識龍虎山以及香港大自然相關的歷史、 人文和環境生態。

要搵港島區新手行山路線推介，西高山絕對係最好嘅選擇。最簡單，最方邊嘅路線係由山頂行15-20 分鐘過去，但TripGuide推介嘅會由香港大學站出發，經龍虎山郊野公園，頭2小時主要係上斜路，直至到西高山山腳就樓梯為主，最後喺山頂廣場結束，總共所需2.5小時。

大埔滘林徑位於大埔公路，林徑設紅路（3公里 / 45分鐘）、藍路（4公里/ 1.2小時）、啡路（7公里/2.5小時）同黃路（10公里/3.5小時）四條路徑。出街者可以按考慮能力及時間去選擇最合適路線，每款路段都係入山行個圈回到起點，唔夠喉嘅你都可以繼續前往荃灣或者落大埔火車站離開。 由於山泥傾瀉影響，最簡單嘅紅路需要2021年年中先會重開，咁就先分享第二簡單嘅藍路 ─ 路徑大致平坦，亦甚少起伏，適合想簡便入深山放鬆心情嘅朋友，風景主要為樹影同雀鳥，既符合一家大細出往亦吸引到唔少鳥類愛好者嘅行山路線。

玉器市場位於油麻地甘肅街（即廟街附近），所以又稱甘肅街玉器市場。 喺80年代，香港玉器貿易需求大，而賣玉器嘅攤販大多都聚集係廣東道近西貢街一帶，為咗分流商戶以及管理，政府於1984年喺甘肅街興建玉器市場安置部分玉器商。35年過去了，為配合中九龍幹線工程，玉器市場都於2020年12月開始清拆，而原來嘅商戶都會搬去旁邊嘅上海街玉器市場，雖然外表有變，但內裏情懷未變，配合旁邊嘅廣東道玉器街就可以一探香港玉器業嘅發展歷史。

元朗大橋街市燈籠巷由入口短短十米，身邊兩旁出現過百個燈籠，形狀不一，有傳統嘅兔、魚、楊桃，甚至有龍同飛機，每款又會以大小、配色細分任君選擇。當中嘅半人大嘅紙兔更加引起來客排隊合照，每個燈籠都係香港本地全人手製作，十分精緻，好似係紙紮玉兔下面用左可動式嘅車輪，而唔係純粹痴上去做個樣。

依加買蛋糕嘅途徑愈來愈多，除左可以喺實體舖頭揀之外，仲有網店選擇。面對林林總總，五花八門嘅產品唔知點入手？不如跟TripGuide推介 - 「自己蛋糕自己整」。「Home焙小日子 – 荃灣店」以全自助簡易烘焙招徠，提供打蛋器、倒模膠、焗爐等烘焙工具，亦會有糖、牛油、奶油等材料，參加者只需要跟住平版電腦上詳細嘅指示，就可以將蛋糕整出嚟，適合想親手整禮物或者親子體驗烘焙樂趣。

大圍車公廟起源都同防疫有關，傳聞古時新界瘟疫橫行，尤其以沙田瀝源最為嚴重，所以古人翻書查經，發現宋朝車大元帥，所到之處，疫症即止，所以喺西貢蠔涌原裝車公廟請車公嚟到沙田保佑村民。時至今日，車公廟成為世人許願求指引嘅地方，除咗香港人，泰國等東南亞信徒都會特登黎拜訪。無論你信唔信神都好，TripGuide今日喺度同你分享吓依個傳統民間習俗嘅參拜流程。

鶴咀位於香港石澳以南，為全港唯一的海岸保護區。英文名Cape D’Aguilar 取名自香港第一任副總督德忌立爵士(Sir George Charles D'Aguilar)。貴為保護區，外國碧海藍天嘅海岸風景可以係依個港島東南端嘅半島都可以搵得到。由筲箕灣出發，30分鐘車程就可以到。路段分為兩部分，前段沿石澳道途經鶴咀村屬於輕鬆易行石屎路，後段會入到香港大學太古海洋研究所附近爬高爬低睇自然地貌，行程來回約3小時。

大家係沙田行街嘅時候有無見到遠處嘅山上有一個大十字架豎左係度？嗰度其實就係 道風山基督教叢林嘅所在地。道風山基督教叢林於1930 年由挪威傳教士艾香德牧師創辦，當時為左吸引本地佛教及道教徒學道，就邀請左丹麥建築師艾術華 (Johannes Prip-Moller) 將大量中國式建築融入園區。而道、風、叢林，根據官方網站分別解為「上帝的話」、「聖靈的能力」及「修道場所」- 願上帝的道如靈風颯颯，讓道風山成為突破宗教文化藩籬之修道場所。